Já ég veit, það er mjög langt síðan ég bloggaði. Í stuttu máli hef ég aðallega verið að vinna eins og venjulega. Á kvöldin hef ég horft á sjónvarpið og verið í tölvunni. Á föstudagskvöldum fór ég á unglingasamkomurnar. Og um helgar hef ég slakað á, tekið til, hitt vinina og svoleiðis. Síðan vann ég líka tvo laugardaga.
Ég er að fara til Spánar á morgun!!! Hlakka ekkert smá til, komast í sólina og ströndina, verða brún, versla og skoða helstu staði. :-D Verð í tvær vikur.

Heyrumst!

Það tókst!! Mér tókst það!! Halelúja, Guð er góður. Mér tókst að standa upp á sviðinu og tala fyrir framan allan unglingahópinn(um 30 manns) í gærkvöldi. Ég var jú auðvitað svolítið stressuð, en ég bað mikið til Guðs, og fyrr um daginn fór ég oft með versið Filippíbréfið 4:13, þar stendur:
Allt megna ég fyrir hjálp hans, sem mig styrkan gjörir.
og á ensku:
I can do all things through Christ who strengthens me.
Þess vegna vissi ég að ég gæti þetta með hjálp Guðs, en samt á tímabili langaði mig að beila :S Þá hugsaði ég, nei ég get þetta og ég ætla að tala. Fyrir suma er þetta ekkert mál að standa upp og tala fyrir framan fólk, en fyrir mig er það mjög erfitt, ég reyni að forðast það eins mikið og ég get.
Fyrir þá sem voru ekki þarna í gærkvöld og þá sem vilja vita hvað ég talaði um, þá set ég hér textann sem ég talaði út frá.


Lesa Biblíuna og biðja

Hæ, fyrir ykkur sem þekkja mig ekki, þá heiti ég Jóhanna og er að verða tvítug. Ég er ekki að fara að prédíka, bara deila með ykkur stuttlega smá sem mér fannst Guð leggja á hjarta mitt. Fyrir viku síðan bað Ívar mig um að koma með stutta hugleiðingu næsta föstudag(í dag). Ég fékk strax hnút í magann og hjartað fór á fullt. Vegna þess að ég er hrædd við að standa upp á svið og tala fyrir framan fólk og reyni að forðast það eins og heitan eldinn. En ég ákvað að taka áskoruninni og stíga í trú um að Guð hjálpaði mér. Ég fór strax að leita Guðs um hvað ég átti að tala til ykkar. Ég bað líka Guð um að taka burt hnútinn í maganum og gefa mér innri frið. Fyrst fannst mér erfitt að velja hvað ég ætti að tala um, það er svo margt sem hægt er að velja. En ég vildi koma með hvetjandi og uppörvandi orð frá Guði. Næsta kvöld var ég komin með efnið og hnúturinn var farinn. Ég ákvað að tala um mikilvægi þess að lesa Biblíuna reglulega og biðja. (ég ætlaði hvort sem er að fjalla um það í minni næstu hugleiðingu á blogsíðunni minni).

Af hverju er það mikilvægt að lesa Biblíuna og biðja?

Eftir að við tökum á móti Jesúm sem frelsara okkar verðum við að rækta persónulegt samband við Hann. Það gerum við með því að lesa Biblíuna, sem er orð Guðs og biðja.

Til þess að nálgast Guð og vera stöðug í honum verðum við að lesa reglulega í Biblíunni.

Biblían er orð Guðs, skrifað fyrir okkur. Guð talar til okkar í gegnum Biblíuna, inn í okkar kringumstæður. Við notum bænina til þess að tala við Guð. Við biðjum fyrir okkur sjálfum, biðjum um hluti og fyrir fólki. Og alltaf ætlumst við til þess að Guð svari bænum okkar. Hann svarar alltaf bænum okkar, en oft kannski ekki eins og við viljum hafa það. Og ekki má gleyma að þakka Guði, fyrir allt sem Hann gefur okkur, og fyrir bænasvörin. Við þurfum að trúa því að Guð muni svara bænum okkar, og þakka fyrir bænasvörin áður en við fáum það sem við biðjum um. Ef við trúum ekki að Guð geti gefið okkur það sem við biðjum Hann um, þá mun hann ekki veita okkur bænasvör.

Alveg eins og við þurfum að borða mat á hverjum degi, eins þarf okkar andlegi maður á næringu að halda. Andinn nærist í gegnum Orð Guðs. Ef við lesum reglulega í Orði Guðs og biðjum til hans þá vöxum við í trúnni. Þekking okkar og skilningur eykst því meir sem við lesum í Biblíunni. Guð vill að við vöxum í trú og “fullorðnumst” í trúnni.

Þó að Biblían væri skrifuð fyrir mörg hundruð árum síðan þýðir það ekki að hún gildir ekki enn þann dag í dag, eins og margir vilja halda. Hún á líka svo sannarlega við núna. Biblían var skrifuð sem vegvísir fyrir okkur, til að leiðbeina okkur í göngu okkar með Kristi. Við getum lært marg af persónunum í Biblíunni, og forðast að gera sömu mistök og þau. Biblían er sönn, skrifuð af miklum Guðs mönnum, sem voru innblásnir af Guði.

Hérnar koma nokkur vers sem ég valdi í tengslum við þetta efni.

Sálmarnir 119:9
Með hverju getur ungur maður haldið vegi sínum hreinum? Með því að gefa gaum að orði þínu.
Til þess að gera Guðs vilja, halda vegi okkar hreinum og syndga ekki þá verðum við að lesa í Orði Guðs. Í versinu er talað um ungan mann, en það á líka við um ungar konur.

Sálmarnir 119:11
Ég geymi orð þín í hjarta mínu, til þess að ég skuli eigi syndga gegn þér.
Ef við viljum komast hjá því að syndga þá er mjög gott að læra vers utanað. Síðan ef freistingar koma að okkur þá kemur kannski upp vers í kollinum á okkur sem tengist kringumstæðunum og hjálpar okkur að segja nei við syndinni.

Sálmarnir 119:148
Fyrr en vakan hefst eru augu mín vökul til þess að íhuga orð þitt.
Í þessu versi er dæmi um hvenær er góður tími til þess að hafa stund, lesa í Biblíuna og biðja. Hérna er aftur talað um að leggja vers á minnið.

Matteusarguðspjall 4:1-4
Þá leiddi andinn Jesú út í óbyggðina, að hans yrði freistað af djöflinum. Þar fastaði hann fjörutíu daga og fjörutíu nætur og var þá orðinn hungraður. Þá kom freistarinn og sagði við hann: Ef þú ert sonur Guðs, þá bjóð þú, að steinar þessir verði að brauðum. Jesús svaraði: Ritað er: Eigi lifir maðurinn á einu saman brauði, heldur á hverju því orði, sem fram gengur af Guðs munni.

Matteusarguðspjall 6:5-8
Og þegar þér biðjist fyrir, þá verið ekki eins og hræsnararnir. Þeir vilja helst standa og biðjast fyrir í samkundum og á gatnamótum, til þess að menn sjái þá. Sannlega segi ég yður, þeir hafa tekið út laun sín. En nær þú biðst fyrir, skaltu ganga inn í herbergi þitt, loka dyrunum og biðja föður þinn, sem er í leynum. Faðir þinn, sem sér í leynum, mun umbuna þér. Þegar þér biðjist fyrir, skuluð þér ekki fara með fánýta mælgi að hætti heiðingja. Þeir hyggja, að þeir verði bænheyrðir fyrir mælgi sína. Líkist þeim ekki. Faðir yðar veit, hvers þér þurfið, áður en þér biðjið hann.

Matteusarguðspjall 7:7-8
Biðjið, og yður mun gefast, leitið, og þér munuð finna, knýið á, og fyrir yður mun upp lokið verða. Því að hver sá öðlast, sem biður, sá finnur, sem leitar, og fyrir þeim, sem á knýr, mun upp lokið verða.

1. Pétursbréf 2:2
Sækist eins og nýfædd börn eftir hinni andlegu, ósviknu mjólk, til þess að þér af henni getið dafnað til hjálpræðis.

Ég hvet ykkur eindregið að lesa reglulega í Biblíuna, helst daglega. Hver getur haft mismunandi aðferðir, mér fannst sniðugt það sem Friðrik sagði þegar hann talaði til okkar um daginn. Hann notaði klukkutíma eftir skóla í að stúdera Orð Guðs. (ég les bæði morgna og kvölds, svo að það er það fyrsta og seinasta sem ég geri á hverjum degi)

Það þarf ekki endilega að vera margir kaflar, bara kannski nokkur vers á dag. Einnig er góð hugmynd að draga mannakorn. Oft hefur það hjálpað mér, Guð hefur talað sterklega til mín í gegnum mannakornin. Eins og einu sinni þegar ég bað Guð um hjálp með eitthvað, þá ákvað ég að draga vers, og þá dró ég Jesaja 41:13: Því að ég, Drottinn, Guð þinn, held í hægri hönd þína og segi við þig: ,,Óttast þú eigi, ég hjálpa þér!``. Akkúrat það sem ég þurfti. Maður þarf ekki að lesa Biblíuna frá byrjun til enda, eins og flestar aðrar bækur, heldur er Biblían safn af mörgum bókum. Gott er að byrja að lesa nýja testamentið, t.d. eins og Jóhannesarguðspjall. Við eigum að hungra og þyrsta eftir orði Guðs. Okkur á að langa til að eyða tíma með Guði og tala við hann, en ekki bara gera þetta vegna skyldu, eins og ég gerði því miður í 6-7 ár, eða þangað til ég frelsaðist fyrir nærri þremur árum síðan.

Í dag gerðist svolítið spés. Tilviljun myndu margir segja en ég trúi ekki á tilviljanir, þetta var stýrt af Guði. Þegar ég var að gera upp eftir vinnu áðan, hvað sé ég þá í ruslinu nema bunka af vasa-Biblíum, Nýja Testamentið og Sálmarnir. Ég tímdi ekki að henda þessu þannig að ég hirti þær allar. Ég kom með 15 Biblíur, sem mig langar að gefa ykkur, sérstaklega þeim sem eiga ekki svona, þar sem ekki allir geta fengið.

Ég sleppti sumt af því sem stóð á blaðinu, en í staðin þá bætti ég oft við einhverju. Þetta gekk bara ágætlega, þegar ég var búin þá klöppuðu allir og ég labbaði í sætinu mínu, brosandi út að eyrum, svo fegin að vera búin með þetta og að það gekk vel. Eftir samkomu gaf ég nokkrum vasa-Nýja Testamentið, en flestir áttu svona, þannig að ég er enn þá með næstum 10 stykki. Þannig að ef þið eigið ekki svona litla útgáfu af Nýja Testamentinu, og viljið eignast eitt eða tvö stykki þá endilega hafið samband við mig.

Viðvörun: þetta er langt blogg þannig að ég skil ef þið nennið ekki að lesa þetta. Mest er bara bull, þ.e.a.s. bara það sem gerðist hjá mér um helgina. Langaði samt að skrifa um það. ;)

Ég veit að ég hef ekki bloggað lengi en ég gat bara ekki dottið neitt í hug, gat ekki komið með neina góða hugleiðingu. Það eina sem mér datt í hug að var skrifa um einmannaleika, en núna langar mig ekki að tala um einmannaleika ;) Þannig að ég ætla bara að segja frá helginni minni sem var frábær, í alla staði mjög skemmtileg og langt í frá því að einkennast af einmannaleika :)

Þetta byrjaði allt í rauninni á fimmtudagskvöldið, stelpufundur var upp í kirkju kl 7 að þessu sinni og áttum við allar að koma með eitthvað á hlaðborð. Það eina sem mér datt í hug var að búa til kartöflugratín, vildi koma með heitan rétt fyrst þetta var um kvöldmatarleitið. (Ekki spyrja mig af hverju mér datt ekkert annað í hug)

Á meðan ég man þá var þetta á sumardaginn fyrsta. Flestir voru í fríi en ég asnaðist til að spyrja verlsunarstjórann daginn áður hvort ég ætti að vinna og auðvitað greip hann mig glóðvolga þar sem ég eiginlega bauðst til þess að vinna á sumardaginn fyrsta!! En það var svo sem allt í lagi, var voða lítið á kassa, hjálpaði aðeins til í grænmetinu en var annars mest í ostunum (fylla á ostakælinn). Ég átti fyrst bara að vinna hálfan daginn, til svona eitt, tvö. En nei einn strákur sem átti að mæta kl 12 mætti ekki þannig að það vantaði manneskju til að leysa af á kassa, þannig að ég vann til þrjú. Fór heim og bjó til kartöflugratín og hafði mig til fyrir stelpuhópinn.

Ok ég ætla ekki alveg að rekja allt sem gerðist um helgina hjá mér, reyni að segja mest frá aðalatriðunum. Alla veganna upp í kirkju þá mættu strákarnir líka, þeir voru víst að fá Friðrik prestinn til að tala til þeirra. Og svo kom hópur af Hollendingum í heimsókn. Byrjað var að fá sér smá snarl. Síðan fóru strákarnir í salinn og við stelpurnar fórum í setustofuna, erum búnar að eigna okkur hana eins og Ívar sagði ;) Tinna töff talaði til okkar, um Guðs reglur og að ef við förum eftir þeim þá líður okkur vel, og margt fleira. Eftir á var spjallað og fengið sér ís :)

Föstdagskvöldið var ekki samkoma upp í kirkju eins og venjulega heldur fórum við niðri í KFUM&KFUK, þar sem var samkoma(kynning á lofgjörðarmótinu sem var um helgina). Lofgjörðarhljómsveitin Mike Hohnholz Band kom fram og Halldór Lárusson prédíkaði. Hann talaði um það sem er mikilvægast um lofgjörðina, hvernig við lítum á Guð og hvernig hann lítur á okkur. Þegar við lofum Guð erum við í nærveru hans. Hann talaði líka um margt annað sem tengdist lofgjörðinni. Eftir samkomuna fórum við(hópurinn úr Kristkirkjunni) ásamt hljómsveitinni niðri í bæ á Nonnabita. En ég og Ásta fengum okkur pylsu á Bæjarins bestu. Síðan var partý heima hjá nýja stráknum, honum Arnari. Ekki alvöru partý samt, heldur saumaklúbbur eins og Kiddi kallar okkar partý

Hljómsveitin hélt síðan tónleikar á laugardagskvöldinu. Ég hafði aldrei áður heyrt um þessa hljómsveit en mér fannst tónleikarnir frábærir. Ásta tók frá sæti fyrir mig og við vorum fremstar! :) Guðrún komst því miður ekki vegna þess að hún var að fara á MH leiksýninguna. Hljómsveitin spilaði bæði þeirra eigin lög og önnur vinsæl lög sem maður kannaðist við og þá sungum við með. Eftir tónleikanna fór hópurinn og hljómsveitin í keilu! Þar sem ég hef ekki farið í keilu í mörg ár, þá vildi ég ekki líta út eins og allgjör hálfviti þannig að ég horfði bara á. En það var samt gaman. Svo fóru flestir í afmæli hjá tveimur strákum úr Fíló, þeim Steindóri og Eyþóri. Og þar sem þetta var rétt hjá mér kíkti ég við á leiðinni heim.

Á sunnudaginn fór ég á lokasamkomuna á mótinu, það var sungið mikið og hljómsveitin komu aftur fram. Síðan gaf einn meðlimur hljómsveitarinnar vitnisburð sinn.
Eftir kvöldmat fór ég svo í stutta heimsókn til Arndísar.
Þetta var mín skemmtilegasta helgi lengi, og bætti upp páskafríið :)

Ég er komin í páskafrí! Þarf ekki að vinna um páskana, það verður fínt að geta sofið út í nokkra daga :-) Hlakka til að taka því bara rólega, hitti vinina og svona. Hlakka líka til að fá páskaegg! Ætla að borða það án þess að vera með samviskubit og vona bara að ég verði ekki veik. Dýrin fá líka páskaegg eins og þessi fílsungi :-)


Frábærar fréttir, ég er að fara í útskriftarferð með fjölskyldunni til Spánar!! Fyrsta sinn sem ég mun fara til sólarlanda! Hlakka ekkert smá til, pabbi og mamma voru bara að kaupa miðana í dag :-) Ég lærði spænsku í eina önn og núna er málið bara að rifja það upp, er enn þá með bækurnar. Skemmtilegra að geta sagt eitthvað á spænsku ;-). Við verðum í heilar tvær vikur!

Er búin að sækja um í háskóla í Gautaborg, ætla að læra líffræði ef ég kemst inn. En ég fæ ekki að vita það fyrr en eftir þrjá mánuði! Frekar langur tími :S Við förum líklegast til Svíþjóðar í júlí.

Núna kem ég loksins með hugleiðinguna sem ég ætlaði að vera með fyrir viku síðan. Tók aðeins lengri tíma að byrja að skrifa hugleiðinguna en ég hélt.

Ég er að vinna í Nóatún Austurveri, sem kassastarfsmaður. Ég á svona lítil blá kort sem ég hef skrifað vers á, til þess að læra utan að og er ég með þau á kassanum þannig að ég geti hugleitt Orð Guðs gegnum daginn. Fyrir viku síðan valdi ég eitt vers í bunkanum og var það

Sálmur 145:18-19

Drottinn er nálægur öllum þeim sem ákalla hann, öllum sem ákalla hann í einlægni. Hann uppfyllir ósk þeirra er óttast hann og hróp þeirra heyrir hann og hjálpar þeim.

Um þetta vers hugsaði ég gegnum daginn og ákvað að koma með stutta hugleiðingu. Ég hef heyrt kristið fólk t.d. segja: ég finn ekki fyrir nálægð Guðs, mér finnst hann vera langt í burtu stundum og fleira, ég hef líka hugsað svona. En síðan förum við á samkomur og mót og þá fyllumst við af anda Guðs og finnum fyrir nálægð hans. En þetta gengur ekki bara út á tilfinningum. Guð er alltaf nálægur okkur þó að okkur finnst við ekki finna fyrir nálægð hans. En eins og það segir í versinu þá verðum við að leita hans og koma til hans, af öllu hjarta, vera okkur sjálf og vera einlæg. Við verðum að biðjast fyrirgefningar á syndum okkar og vera auðmjúk frammi fyrir Guði. Þá mun hann vera nálægur okkur. Á meðan ég var að hugleiða þetta þá man ég líka eftir einu öðru versi sem talaði um að nálgast Guði. Og viti menn, næsta dag þegar ég tek upp bunkann minn með versunum og set hann á kassanum hjá mér, hvaða vers snýr fyrst upp af öllum versum?? Versið sem ég hafði hugsað til!!!

Jakobsbréfið 4:7-8

Gefið yður því Guði á vald, standið gegn djöflinum og þá mun hann flýja yður. Nálægið yður Guði og þá mun hann nálgast yður.

Var þetta tilviljun að akkúrat þetta vers sneri upp? Nei ég trúi ekki á tilviljanir, ég trúi því að Guð ákveður allt fyrir fram og ég trúi því að það var Guð sem lét þetta vers snúa upp. Þá varð ég enn þá ákveðnari um að koma með þessa hugleiðingu. Þar sem það er orðin vika síðan ég hugsaði um þetta þá er þessi hugleiðing ekki orðrétt eins og ég hafði hugsað mér hana en aðalatriðin koma fram. Í þessu versi er aftur talað um að nálgast Guði, aftur eru það við sem þurfum að koma til hans, nálgast hans af frjálsum vilja.Guð bjó okkur ekki eins og vélmenni svo að hann gæti skipað okkur fyrir verkum, nei hann gaf okkur frjálsan vilja svo að við gætum valið sjálf hvort við viljum taka á móti gjöf Guðs og eiga persónulegt samfélag við hann. Þegar við ákveðum að taka á móti Jesú eigum við að fara eftir Guðs vilja, þess vegna verðum við að gefa okkur Guði á vald, eins og segir í versinu. Við eigum því að gefa Guði allt, við eigum að treysta honum fyrir öllu, allt okkar líf, og allt sem við gerum og ætlum að gera, meira að segja treysta honum fyrir ástarmálum okkar. Hann þekkir okkur best, betur en við þekkjum okkur sjálf og hann hefur ákveðið líf okkar, þess vegna trúi ég því að hann hefur ákveðið hverjum við giftumst. Af hverju ekki að treysta honum fyrir því og láta hann sjá um að leiða okkur tvö saman þegar rétti tíminn er kominn? Núna er ég aðeins komin út fyrir efnið en það sem ég var að tala um er að við eigum að nálgast Guði og þá mun hann nálgast okkur. Þegar við erum í nærveru Guðs þá gefst djöfulinn ekkert færi á okkur, við stöndum gegn honum og þá flýr hann. Og í fyrra versinu segir að Guð muni uppfylla ósk okkar, þannig að ef við nálgumst honum, treystum honum og biðjum hann um það sem hjarta okkar þráir þá mun hann bænheyra okkur eins og segir í öðru versi.

Jæja þá ætla ég að slá botni á þessari hugleiðingu, sem var ekki mjög stutt. Endilega látið heyra í ykkur og hvað ykkur finnst um þetta.

Vá hvað tíminn líður hratt, trúi því varla að það er meira en vika síðan ég bloggaði síðast. Ég ætla ekki að fara að rekja það hvernig vikan var hjá mér, finnst það frekar tilgangslaust og innantómt, fyrirgefið. Ég vil frekar koma með pælingar og hugleiðingar sem skilur eitthvað eftir hjá fólki.
En áður en ég kem með eina hugleiðingu verð ég samt að segja frá helginni minni, hún var frábær og skemmtileg. Á föstudaginn hitti Arndís vinkona mín mig strax eftir vinnu og við fórum að versla í matinn vegna þess að við ætluðum að elda saman heima hjá mér. Elduðum við voða góðan pastarétt með pastasósu, og horfðum á One Tree Hill :-) Eftir það fórum við og Elísabet, leigðum spólu og fórum heim til Arndísar. Horfðum við á myndina Guess Who sem var mjög fyndin og skemmtileg mynd.

Um helgina var Kristkirkjan með mót í Vindáshlíð fyrir unglinganna og þess vegna var ekki unglingasamkoma á föstudaginn eins og venjulega. Fyrst ætlaði ég ekki á mótið, en svo ákvað ég að kíkja við á laugardeginum en síðan endaði það með að ég gisti líka. Elísabet kom með mér og pabbi keyrði okkur þangað. Ég hef aldrei komið í Vindáshlíð þannig að það var gaman að koma þangað. Þar voru saman komin um 30 unglingar. Við skemmtum okkur vel, farið var í brennó, spilað, talað saman, hjálpað til í eldhúsinu og fleira. Haldnar voru tvær samkomur á laugardeginum, eina eftir hádegið og aðra lengri um kvöldið, sem var bara frábært. Í byrjun kvöldsamkomunnar sýndu stelpurnar geðveikt flottan dans við lagið “Love is the movement” með Switchfoot og síðan spiluðu Böddi, Jasser, Pétur, Alli og Siggi í Darling Hiroko þrjú frábær lög. Á samkomunni var sungið mikið og lofað Guð, sérstaklega eftir prédíkunina, en prédíkarinn heitir Jóhannes minnir mig. Það sem var pínu fyndið var að hann prédíkaði um sama efnið og Ingvar unglingaleiðtogi hafði talað um á fyrri samkomunni, eða um Daníel, hvað hann var trúfastur Guði og stóð á sínu, vildi ekki saurga sig á mat konungsins og þá launaði Guð honum og vini hans fyrir það. Jóhannes og Ingvar voru samt með pínu mismunandi áherslur, þannig að það var ekki alveg eins.

Ástæðan fyrir því að ég ætlaði fyrst ekki að gista er að ég sef ekki vel annars staðar, bara heima hjá mér, en svo ákvað ég að gista í eina nótt, það ætti að vera allt í lagi, ég myndi alveg lifa það af ;-) Ég var með þeim fyrstu sem fóru að sofa og það tók mig um klukkutíma að sofna og síðan svaf ég bara í fjóra og hálfan tíma, vaknaði um morgunin þegar smá umgangur varð klukkan hálf átta. Eftir það vaknaði ég og sofnaði til skiptis til klukkan 9. En vakningin var ekki fyrr en hálf tíu. Þó að ég var ein í herbergi gekk nóttin ekki vel, og ég var þreytt en ég hefði ekki viljað missa af mótinu J Eftir morgunmatinn var haldin smá samverustund áður en við gerðum hreint í húsinu og fórum síðan heim. Það var mjög gaman á mótinu og ég kynntist krökkunum betur.

Þetta er orðið frekar langt blogg og ég á enn þá eftir að koma með hugleiðinguna sem ég ætlaði að vera með. Held að ég bíði með hana þangað til næst. Hún verður bara betri þess vegna :-)

Ég kemst ekki yfir þetta og ég get ekki lýst því nóg með orðum þannig að þið verðið bara að sjá þetta myndband!! http://www.youtube.com/watch?v=QjA5faZF1A8 Mér finnst þetta alveg ótrúlegt og flott, vil samt ekki skemma fyrir ykkur með því að segja um hvað myndbandið er. Kíkið á þetta!! Og látið mig vita með því að kommenta hvað ykkur fannst um myndbandið! Ég segi bara VÁ!!!




Jæja núna er ég búin að bæta inn lista af síðunum mínum og eru þær allar á ensku. Sumar síður uppfæri ég við og við, en aðrar hef ég ekki uppfært lengi.
Mér líður betur núna, held ég fari bara í vinnuna á morgun. Nenni eiginlega ekki að hanga meira heima, þó að það sé mjög fínt.
Segi annars ekki mikið, hef sitið upp í sófa og verið á tölvunni og að sauma litlu krosssaums-myndina mína :-) og það gengur bara ágætlega, á einn þriðja eftir af myndinni. Mér finnst svo gaman að sauma en geri allt of lítið af því.
Í morgun þegar ég hafði mína daglega morgunstund, þá las ég Orðskvið 19, vegna þess að í dag er 19. mars og ég nota Orðskviðina eins og dagatal. Og þar fann ég nokkur gullkorn sem mig langar að deila með ykkur

Orðskviður 19
vers 2: Kapp er best með forsjá, og sá sem hraðar sér, misstígur sig.
vers 20: Hlýð þú ráðum og tak umvöndun, til þess að þú verður vitur eftirleiðis.
vers 21: Mörg eru áformin í mannshjartanu, en ráðsályktun Drottins stendur.

Núna er ég búin að bæta inn linkum að bloggsíðum hjá sumum. Örvæntið ekki þótt að nafnið ykkar er ekki komið á listann, ég er enn þá að vinna í því. En ef nafnið ykkar kemur ekki að lokum og þið eigið bloggsíðu og þekkið mig þá endilega kommentið hjá mér og látið linkinn að bloggsíðunni ykkar fylgja með og þá mun ég bæta ykkur inn á listann. :-)
Í dag líður mér aðeins betur, fór í sturtu og svona. Vonandi kemst ég í vinnuna aftur á mánudaginn. Í kvöld horfði ég og mamma á Raise your voice með Hilary Duff. Myndin var mjög skemmtileg, pínu sorgleg í byrjun en endaði vel, ekta stelpumynd :-)
Læt fylgja með eitt vers
Þá mælti Jesús við lærisveina sína: Hver sem vill fylgja mér, afneiti sjálfum sér, taki kross sinn og fylgi mér. Því að hver sem vill bjarga lífi síni mun týna því og hver sem týnir lífi sínu mín vegna, mun finna það.

ég var klukkuð af Hafdísi svo hérna kemur það loksins

4 störf sem ég hef unnið um ævina:

• unglingavinnan
• bæjarvinnan
• pósturinn
• nóatún

4 bíómyndir sem ég gæti horft á aftur og aftur:

• The notebook
• The prince and me
• Princess diaries
• Sound of music

4 staðir(lönd) sem ég hef búið á;

þar sem ég hef búið á fleiri en fjórum stöðum þá ætla ég að nefna löndin ;-)

• Ameríka
• Svíþjóð
• England
• Ísland :-)

4 sjónvarpsþættir sem mér líkar;

• o.c.
• one tree hill
• c.s.i
• Gilmore girls

4 síður sem ég skoða daglega fyrir utan bloggið;

• gmail.com
• myspace.com
• google.com
• og einhverjar bloggsíður samt ekki daglega

4 staðir sem ég hef heimsótt í fríum;

• Kaupmannahöfn
• New Jersey
• Gautaborg
• rétt fyrir utan Stockholm

4 matarkyns sem ég held upp á; .

• spagetti
• pizza
• lambalæri með meðlæti
• lasagne

4 staðir sem ég vildi heldur vera á núna;

• á sólarströnd
• í ameríku
• í svíþjóð
• með þér! Haha

Mér leiðist pínu :s það er föstudagur og ég er enn þá veik :-( Þannig að ég missi af samkomunni í kvöld. Síðan er sameiginlegi kirkjudagurinn á morgun þar sem allir unglingar, úr flest öllum kirkjum held ég, hittast í KFUM&KFUK á Holtaveginum. Dagskráin byrjar kl 2 að mig minnir, og þar verður t.d. hoppukastali
og fleira skemmtilegt. Samkoma byrjar kl 7 um kvöldið. Og ég kemst ekki heldur á það. Jæja það verður að hafa það. Ég ætti samt að hafa nóg að gera í kvöld og ekki leiðast, ég get horft á samkomuna í Fíló á netinu :-) eða horft á One Tree Hill o.fl. í sjónvarpinu.

Hafdís vinkona mín lét mig vita í gær að hún gæti ekki kommentað hjá mér. Ég hafði einmitt reynt að passa mig að stilla það þannig að allir gætu kommentað hérna en eitthvað gerði ég vitlaust. Ég tók burt orðastaðfestinguna til að sjá hvort fólk gæti kommentað núna. Og já það gengur!! :-) Þannig endilega kommentið!
Læt eina mynd fylgja með, finnst svo gaman að setja inn myndir, gerir færsluna líflegri :-)

Mér datt í hug að koma með nokkur vers sem hafa talað til mín.

Hegðið yður eigi eftir öld þessari, heldur takið háttarskipti með endurnýjung hugarfarsins, svo að þér fáið að reyna hver sé vilji Guðs hið góða, fagra og fullkomna. Rómverjabréfið 12:2

Hugsið um það sem er hið efra en ekki um það sem á jörðunni er. Kólossubréfið 3:2

Gefið yður því Guði á vald, standið gegn djöflinum og þá mun hann flýja yður. Nálægið yður Guði og þá mun hann nálgast yður. Jakobsbréfið 4:7-8

og annað mjög gott vers

Því að ég þekki þær fyrirætlanir sem ég hefi í hyggju með yður - segir Drottinn - fyrirætlanir til heilla, en ekki til óhamingju, að veita yður vonarríka framtíð. Jeremía 29:11

eins og ég nefndi fyrr um daginn, þá frelsaðist ég í ágúst 2003. Í febrúar næsta ár tók ég niðurdýfingar skírn, eins og stendur í Biblíunni að maður eigi að gera. Mér datt í hug að setja inn
nokkrar myndir, þær eru því miður ekki mjög skýrar. Á fyrstu tveimur myndunum sést ég gefa vitnisburðinn minn. Ég skírðist í Fíladelfíu, söfnuðurinn sem ég var í þá, sem heitir Akurinn, fékk skírnarlaugina að láni. Og þetta er pabbi minn sem skírði mig.

ég er enn þá veik þannig að ég hef ekki mikið að segja. ég er bara búin að hvíla mig mikið, skoða blöð, vera á netinu, gera smá kross-saum og horfa á sjónvarpið á kvöldin. Í gær skoðaði ég stórt brúðkaupsblað og fann ég drauma kjólinn minn! Hann er frekar líkur kjólnum sem ég teiknaði einu sinni nema bara miklu flottari og þess vegna féll ég fyrir honum. Síðan fór ég á netið og skoðaði fullt af síðum tengd brúðkaupi :-) Ég hef aldrei gert þetta áður svo það var mjög gaman. Bara svo að fólk fari ekki að miskilja eitthvað þá er ég ekki að fara að gifta mig á næstunni, á ekki einu sinni kærasta hvað þá trúlofuð ;-) Ég er að bíða eftir hinum rétta manni sem Guð hefur valið fyrir mig og á meðan nýt ég þess að vera einhleyp :-)

 
hérna er ein mynd af mér með útskriftarhúfuna þegar ég útskrifaðist 

Mér datt í hug að kynna mig, svona fyrir þá sem þekkja mig ekki. Ég heiti Jóhanna og verð tvítug í september. Ég á heima hjá pabba og mömmu í seljahverfinu og ég á eina yngri systur.
Ég útskrifaðist af náttúrufræðibraut úr MH núna um síðustu jól og er búin að vera vinna síðan eftir áramót í Nóatúni Austurveri, sem kassastarfsmaður. Langar samt að breyta til og fá mér aðra vinnu, sótti um fyrir helgi hjá Íslenskri erfðagreiningu þar sem pabbi minn vinnur. Þannig að nú er bara að sjá hvort ég fæ vinnu þar eða ekki.
Með framtíðarplönin mín, þá reikna ég með að byrja í háskólanum í haust og læra líffræði. Ég er búin að skipta frekar oft um skoðun, er svolítið óákveðin en held að ég sé loksins búin að ákveða líffræði, annars er ég búin að velja næstum allt innan raunvísindinnar.
ég er trúuð, ólst upp í kristinni fjölskyldu en frelsaðist samt ekki fyrr en í ágúst 2003. Núna síðasta árið hef ég sótt unglingasamkomur í Íslensku Kristkirkjunni(vil samt taka það fram að ég er ekki lútersk). Mér líkar mjög vel þarna, þess vegna hef ég haldið áfram að fara þangað. Unglingarnir eru svo frábærir, tóku vel á móti manni þegar ég og vinkona mín Guðrún komum þangað fyrst og ég hef eignast marga góða vini.
veit ekki meira hvað ég á að segja um sjálfan mig í bili, bæti örugglega við seinna...

færslan á undan var bara svona prufa, núna ætla ég vonandi að segja eitthvað meira af viti.
Þessi helgi hefur ekki verið skemmtilegasta helgin mín, ég er búin að vera með mjög slæma tannpínu í þrjá daga núna vegna þess að efri endajaxlarnir eru að koma upp. Ofan á það er ég orðin lasin aftur. Þannig að ég bara búin að liggja í rúminu í gær og í dag, ekki spennandi-ég veit. Ég komst samt á unglingasamkomuna föstudagskvöldið, það var mjög gaman, lofaði Guð og hitti vini mína. Fór mjög snemma heim vegna þess að ég var frekar þreytt, var komin heim um 11. Langt síðan ég kom svo snemma heim. Reyndar fór ég ekki snemma að sofa, ekkert frekar en venjulega um helgar. Þannig að...

ég ákvað að láta fylgja með svona teiknuð mynd af manni með tannpínu, mér er meira að segja illt hægra megin eins og á myndinni.

ok núna ætla ég að reyna aftur að blogga, annars er mér greinilega ekki ætlað að skrifa neitt hér nema að setja inn myndir, vegna þess að ég hef reynt a.m.k. þrisvar að blogga en þá frýs fartölvan mín eða slekkur á sér og ég missi allt sem ég var búin að skrifa

ég bjó til þessa síðu fyrir tveimur árum síðan en svo bjó ég til aðra blogsíðu og gleymdi þessari. síðan ég hætti að nota blog.central síðuna mína ákvað ég að endurvekja þessa síðu og blogga aftur á íslensku. en vá hvað það er skrítið, ég er svo vön að blogga/skrifa á ensku(hin bloggsíðan mín er á ensku) vegna þess að ég á svo marga enskumælandi vini, heilinn minn er orðinn stilltur á ensku þegar ég fer á netið út af því að ég skoða mest síður á ensku o.fl.

hérna er ein mynd frá því um áramótin, ég er að nota picasa til þess að setja inn myndir og ég kann bara að setja eina mynd í einu. Þarf að skoða þetta allt betur og læra á það 

hérna er mynd af mér síðan á afmælinu mínu í fyrra þegar ég varð 19 ára!